Breaking News

শ্রীমদ্ভাগবত গীতা - দ্বাদশ অধ্যায়

শ্রীমদ্ভাগবত গীতা

দ্বাদশ অধ্যায়




অর্জুন উবাচ - এবং সততযুক্তা যে ভক্তাস্ত্বাং পর্যুপাসতে । যে চাপ্যক্ষরমব্যক্তং তেষাং কে যোগবিত্তমাঃ ।। ১

শ্রীভগবানুবাচ - ময্যাবেশ্য মনো যে মাং নিত্যযুক্তা উপাসতে । শ্রদ্ধয়া পরয়োপেতাস্তে মে যুক্ততমা মতাঃ ।। ২

যেত্বক্ষরমনির্দেশ্যমব্যক্তং পর্যুপাসতে । সর্বত্রগমচিন্ত্যঞ্চ কূটস্থমচলং ধ্রুবম্ ।। ৩

সংনিয়ম্যেন্দ্রিয়গ্রামং সর্বত্র সমবুদ্ধয়ঃ । তে প্রাপ্নুবন্তি মামেব সর্বভূতহিতে রতাঃ ।। ৪

ক্লেশোহধিকতরস্তেষামব্যক্তাসক্তচেতসাম্ । অব্যক্তা হি গতির্দুঃখং দেহবদ্ভিরবাপ্যতে ।। ৫

যে তু সর্বাণি কর্মাণি ময়ি সংন্যস্য মৎপরাঃ । অনন্যেনৈব যোগেন মাং ধ্যায়ন্ত উপাসতে ।। ৬

তেষামহং সমুদ্ধর্তা মৃত্যুসংসারসাগরাৎ । ভবামি ন চিরাৎ পার্থ ময্যাবেশিতচেতসাম্ ।। ৭

ময্যেব মন আধৎস্ব ময়ি বুদ্ধিং নিবেশয় । নিবসিষ্যসি ময্যেব অত ঊর্ধ্বং ন সংশয় ।। ৮

অথ চিত্তং সমাধাতুং ন শক্নোষি ময়ি স্থিরম্ । অভ্যাসযোগেন ততো মামিচ্ছাপ্তুং ধনঞ্জয় ।। ৯

অভ্যাসেহপ্যসমর্থোহসি মৎকর্মপরমো ভব । মদর্থমপি কর্মাণি কুর্বন্ সিদ্ধিমবাপ্স্যসি ।। ১০

অথৈতদপ্যশক্তোহসি কর্তুং মদ্‌যোগমাশ্রিতঃ । সর্বকর্মফলত্যাগং ততঃ কুরু যতাত্মবান্ ।। ১১

শ্রেয়ো হি জ্ঞানমভ্যাসাজ্‌জ্ঞানাদ্ধ্যানং বিশিষ্যতে । ধ্যানাৎ কর্মফলত্যাগস্ত্যাগাচ্ছান্তিরনন্তরম্ ।। ১২

অদ্বেষ্টা সর্বভূতানাং মৈত্রঃ করুণ এব চ । নির্মমো নিরহঙ্কারঃ সমদুঃখসুখঃ ক্ষমী ।। ১৩

সন্তুষ্টঃ সততং যোগী যতাত্মা দৃঢ়নিশ্চয়ঃ । ময্যর্পিতমনোবুদ্ধির্যো মদ্ভক্তঃ স মে প্রিয়ঃ ।। ১৪

যস্মান্নোদ্বিজতে লোকো লোকান্নোদ্বিজতে চ যঃ । হর্ষামর্ষভয়োদ্বেগৈর্মুক্তো যঃ স চ মে প্রিয়ঃ ।। ১৫

অনপেক্ষঃ শুচির্দক্ষ উদাসীনো গতব্যথঃ । সর্বারম্ভপরিত্যাগী যো মদ্ভক্তঃ স মে প্রিয়ঃ ।। ১৬

যো ন হৃষ্যতি ন দ্বেষ্টি ন শোচতি ন কাঙ্ক্ষতি । শুভাশুভপরিত্যাগী ভক্তিমান্ যঃ স যে প্রিয়ঃ ।। ১৭

সমঃ শতৌ চ মিত্রে চ তথা মানাপমানয়োঃ । শীতোষ্ণসুখদুঃখেষু সমঃ সঙ্গবিবর্জিতঃ ।। ১৮

তুল্যনিন্দাস্তুতির্মৌনী সন্তুষ্টো যেন কেনতিৎ । অনিকেতঃ স্থিরমতির্ভক্তিমান্ মে প্রিয়ো নরঃ ।। ১৯

যে তু ধর্মামৃতমিদং যথোক্তং পর্যুপাসতে । শ্রদ্দধানা মৎপরমা ভক্তাস্তেহতীব মে প্রিয়াঃ ।। ২০